Glópur

Byrjuð á lokaverkinu

Mon, 09 Mar 2009 17:13:36 GMT

Náði að byrja á verkinu í dag, setti grunnlag og byrjaði svo að teikna inn, þurrka upp og forma. Þetta lofar góðu.
Ég er skjálfandi á öllum liðum eftir snjómokstur - þegar ég kom heim áðan var ekkert búið að moka stéttina að dyrum þannig að ég byrjaði. Svo komu nú tvö heim úr búðinni og strákurinn var svo indæll að klára moksturinn. Samt hefur mér tekist að ofreyna mig. Jæja, til þess eru snillingar fæddir. ;) Þannig að ég er dauðþreytt, skjálfandi í hnjám og handleggjum, föl með tilheyrandi ýktum baugum undir augum, sennilegast blóðlítil vegna "Rósu", með bakverki, axlaverki og höfuðverk, og mér líður svo helvíti vel að ég brosi hringinn! :haha:
Góður dagur. Sef vel í nótt.

Skemmtilegt veður

Sun, 08 Mar 2009 11:44:39 GMT

Svona snjóstormur og næs næs. :haha: Vaknaði fyrir 8 í morgunn og gat ekki sofið neitt meira, ég var bara glaðvakandi. Þannig að ég fór fram úr (hlýja mjúka yndislega) rúminu, niður að taka þvottinn minn og brjóta saman, gekk svo frá honum, fór í sturtu, og ákvað svo að reyna annað verkefni í photoshop. Tók mig náttúrulega svona 2 tíma (varlega áætlað), en ég þurfti líka að byrja á því að finna leiðbeiningar um hvernig maður notar pen-tool. Þannig að ég lærði það. :d
Svo var ég heillengi að finna út hvernig ég næði að gera sömu hlutina, giska í eyðurnar, finna út hvað virkaði og hvað ekki - Og! Ég er komin með geislasverð! :haha: Mynd af því í myndasöfnunum, í Eigin verkum albúminu. Líka sæta plánetan mín, sem er ekki sú besta sem hefur verið gerð en ég er ríg-montin af henni. :haha: Sérstaklega þar sem hún er fyrsta myndin sem ég hef unnið frá grunni í photoshop og klárað.

Fyrir þá sem vilja eru slóðirnar hérna. Ég kann ekki að gera linka þannig að... :haha:

Pentool: http://www.melissaclifton.com/tutorial-pentool.html

Lightsaber: http://www.graphictutorials.net/featured/design-a-light-saber/
eða beint hingað: http://www.mickm.com/tutorial/60-the-lightsaber

Space: http://peterw.000webhost.com/blog/index.php?blog=1&title=video-tutorial-space-scene&more=1&c=1&tb=1&pb=1#more37

Já hey! Blogg!

Fri, 06 Mar 2009 18:07:45 GMT

:haha: Because I'm a GENIUS!!
Segjum það, komnir hversu margir mánuðir? :^)
Allaveganna, búin að vera á fullu með loka verkefnið. Loka. Allra síðasta verkið sem ég skila inn til einkunnar í skólanum. Síðasta verkið. Stick a fork in me, I'm done. :d Síðasta vika hefur verið soddan höfuðverkur að það er ekki fyndið - það var ekki fyrr en núna á miðvikudeginum sem ég var komin með hugmynd að verki sem mér leist vel á, stendur vel eins og ég sé það í höfðinu; greinagerðinni átti að skila í GÆR en ég gleymdi blaðinu með póstföngunum hjá skólameistaranum og leiðsögukennaranum þannig að ég varð að bíta í það súra að senda það seint.
Ekkert svo súrt. :haha:
Þannig að ég næ að byrja á verkinum á mánudaginn, skólaferði er 1.-4. apríl, páskafrí byrjar 5. apríl, skólinn byrjar aftur 15. apríl, síðasta vikan í lokaverkefni 15.-21. apríl, sýningar undirbúningur 22. apríl til 7. maí, sýning 9. og 10. maí, og útskrift 12. maí. Ansi er þetta orðinn knappur tími hjá manni... 8|
Annað er það að frétta að ég hitti tannsa eftir að hafa pantað tíma fyrir tveimur mánuðum; þurfti fyrst að fresta vegna anna í skólanum, svo aftur vegna þess að ég var lasin og ekki séns að ég færi þannig til hans, í þriðja skiptið var hann kominn með pest, þannig að þegar að loksins kom að tímanum var ég næstum búin að gleyma af hverju ég pantaði tímann til að byrja með. Æ blessuð holan eftir jaxlin var að valda mér einhverju hugarangri, en hún virðist vera í góðum málum. Svo hreinsaði hann tannstein - hvenær var það gert síðast? Langt síðan. :^) Og mér líður þetta líka svo ljómandi vel í tönnunum! Sjaldan verið svona hressar! Ég gerði mér greinilega ekki grein fyrir því hvað tann-steinninn var orðinn slæmur.
Ojæja. :haha:

Á blístrinu

Mon, 20 Oct 2008 20:20:36 GMT

Bókstaflega.
Suvi (?) er með mömmu sína, bróður og einhverja konu sem ég er ekki alveg viss á hver er í heimsókn, og í kvöld var matreidd veisla og okkur vesalingunum boðið. Ég ætlaði nú fyrst bara að vera kurteis og kíkja við niður, smakka eitthvað aðeins og þakka svo fyrir mig. Nei, nei - mín sat niðri frá 7 til 8, renndi niður tveimur súpum, nokkrum glösum af vatni, og hver veit hversu mikið af sæta brauði og samlokuköku. Þetta var svo GOTT! :haha:
Öruggasta leiðin að hjarta hvers manns er í gegnum magann - aldrei átt eins vel við. ;)

My oh My

Sun, 19 Oct 2008 13:53:18 GMT

Titillinn frá Aqua, like 'em! :d
    Allaveganna, í sambandi með tundurskeytið mitt þá talaði ég náttúrulega við mömmu, og byggt á því sem hún sagði mér þá sjást þessir krókar vanalegast á röntgen, gerðu það allaveganna hjá Ragnheiði. Þó svo að Ragnheiður muni annað, henni minnti að þeir sáust ekki hjá henni, en mamma sagði að það var þess vegna sem að tannsi treysti sér ekki til þess að taka hann. Þeir smöluðu víst saman einhverjum hópi af fólki með svona króka og hóuðu svo í sérfræðing. Sem á sínum 20 ára starfsferli hafði aldrei lent í öðrum eins krókum og hjá Ragnheiði.
    En ég er bjartsýn, miðað við það sem ég sá af röntgenmyndinni (getur maður fengið afrit af þeim?) þá er þetta bara fínasta tönn - sem kemur þetta líka skakkt upp. Jæja, þarf bara að bíða róleg. Ég er samt hrikalega spennt! Kannski frekar fáránlegt, en mér hlakkar eiginlega bara til að fara og láta taka hana. Kannski ég fái að hirða hana, það væri ágætis sárabót. ;) Ég bara treysti þessum tannlækni algjörlega, það er ekki svo oft sem að maður kemur inn til einhvers og treystir honum strax. Þá síður þegar að kemur að einhverjum sem krukkar í kjaftinum á manni. :haha:
    Þarf að bíða til þess 31. Og það sem verra er - grímuball skólans er daginn eftir! :s En ég vil láta taka tönnina sem fyrst þannig að við sjáum til hvað setur, hvort að ég fari á uppáhalds viðburðinn minn í skólanum. Ef ekki þá er bara að bæta það upp þegar að kemur að Öskudeginum. ;)

Endajaxlar

Thu, 16 Oct 2008 18:41:05 GMT

Fór til tannlæknis í dag, út af endajaxli sem heimtar að troða sér áfram. Fæ tíma eftir tvær vikur að láta taka hann. Nei, get ekki sagt að þetta sé tönn - þetta er andskotans tundurdufl. En tannsi segist halda að hann geti tekið hann, bara bora hann í sundur og taka burt. Vildi bara helst losna við hann á morgun og vera búin með þetta. Talaði svo við Ragnheiði í dag, og ég ætla bara rétt að vona að tundurduflið sé ekki með króka.

Naglasúpa án nagla

Mon, 13 Oct 2008 19:28:03 GMT

- virkar bara fínt. ;)
Ákvað að taka pínu til í ísskápnum hjá mér, og þar sem grænmetið hjá mér var komið í áhættuflokk ákvað ég að gera mér bara súpu úr dæminu. Líter af vatni, grænmetiskrafts teningur og kjúklingakrafts teningur (prófa!), blaðlaukur, 4 stórar gulrætur, 2 laukar, smá engiferrót, 2 hvítlauksrif, grænmetissalt, svartur pipar og paprikuduft. Hefði alveg mátt hafa minna af paprikuduftinu - sletti bara hressilega og svona heldur - og jafnvel af hvítlauknum. Og skera engiferrótina minni. Annars vel sterk, heit og góð. :d
Annars var mín að missa sig í búðum í dag - keypti svona á hjólum 3 plastbakka sem koma sér vel þegar að maður er að mála, og svo hatt og 2 pör af eyrnalokkum í Accessorize, og handtösku og maskara í Hagkaupum. Vantar samt að kíkja aftur í Rúmfatalagerinn og athuga með óbleikt léreft. Og í Litaland að athuga með rammaefni. :$

We are fighting dreamers

Mon, 06 Oct 2008 17:23:43 GMT

Hmm, minnir að titillinn komi úr einhverju anime-inu, bara fast í mér.
Allaveganna, að heitinu til þá er ég búin með ritgerðina. Á bara eftir að fínpússa, gera forsíðu, efnisyfirlit og heimildaskrá, og þá er ég alveg búin. Get ekki að því gert en mér finnst tíu blaðsíður vera afskaplega lítið, og samt er ég komin með leyfð 3000 orð og aðeins meira. Jæja.
Hélt upp á daginn með því að prófa mig áfram í pítsugerð - og miðað við uppskriftina sem ég fann í einni bókinni (vatn, hveiti, þurrger og salt) þá á það að duga í eina pítsu. Fyrir mig þýðir það allaveganna fjórar þykkbotna bragðgóðar og fyllandi pítsur. Stundum er komstur að vera með lítinn maga. :d

Let it snow let it snow let it snow...

Thu, 02 Oct 2008 10:52:37 GMT

Helvíti er ég fegin að hafa keypt úlpuna í gær, það er allt hvítt úti. Hvítt.
Anyways, því það er alltaf svo flott að sletta, ég er búin að skrifa niður hvað á ég að segja? C. 1/5? Eitthvað þannig. Og ég á að skila fyrsta uppkasti í næstu viku. Ég þarf að vera dugleg núna. :haha:

Jebbsa!

Wed, 01 Oct 2008 21:41:04 GMT

Ég keypti líka úlpu í dag! :haha: Enda eins gott þar sem þetta er annar dagurinn sem að snjóar og mér leist ekkert á það að vera á vappinu í þunnri kápu. Og vá, konan sem seldi mér úlpuna er ekta verslunar mannsekja - mér leið svo vel að tala við hana að hún hefði getað selt mér hvað sem er. ;) Og hún gerði góðlátlegt grín að mér, af því að ég var að ganga fram hjá, leit rétt svo aðeins í gluggann - snarstoppaði og sneri við því að ég sá úlpu sem var svo helvíti lík því sem ég hafði hugsað mér og var ekki dýr. :haha:
I like it, like it, like it a lot!!

ÚGGA BÚGGA!!

Sat, 27 Sep 2008 10:22:09 GMT

Google er tíu ára!!! Hibb-hibb-HÚRRA!!
    Mhm, fór inn á Facebook um daginn - hel- montin að muna aðgangsorðið! - og, jæja, request dæmið? Ég var svo sjokkeruð yfir því að ég tók ekki alveg nærri því strax eftir því að Facebook er að breyta sjálfu sér bla bla.
    Yfir 400?!? Ég veit að ég hef ekkert farið inná síðan í vor en, hjálp? 8|
    Fór í búðir í gær, ætlaði að vera helvíti góð við sjálfa mig og kaupa kápu. Erm, jújú, það eru svo sem kápur til boða, en ég þarf að leita víðar því að þær dýrustu voru um 30.000 og þær ódýrustu um 15.000. Hver tímir að ganga í svona? Hvað þá að setjast niður? Ég gæti það ekki, ég væri alltaf að velta fyrir mér þrifum og óhreinindum og aðstæðum - ég er bara ekki manneskja fyrir 15.000 króna kápu! Sem er ekki einu sinni almennileg kápa; lítur vel út, gott efni og allt það, en kápa er eitthvað sem nær lengra niður en mjaðmir.
    Allaveganna, þarf aftur í búð í dag - þó að ég var með minnismiða þá gleymdi ég sumu og svo voru pokarnir orðnir það þungir. :( Ég vaknaði með og er með eymsli í hnakka, öxlum, niður eftir upphandleggsvöðvum og niður um olnboga. :frown: Talandi um að vakna... Ég vaknaði um sex í morgun - með eymsli - en út af draum sem mér dreymdi. Ég man hann ekki lengur en hann var svo fastur í mér í morgun að ég náði í tölvuna og skrifaði hann niður á meðan hann var enn svona ferskur. Svo slökkti ég á tölvunni og fór aftur að sofa. :haha: Þetta var svo furðulegur draumur, eitthvað með verur sem létu fólk hverfa, örugglega um 60% mannkyns bara horfinn, og það vantaði svo marga í kringum mig. Auðvitað lifði ég þetta af, en svo seinna komu fleiri verur til skjalanna sem að breyddu út farsóttum og plágum og ég veit ekki hvað. En þær virtust vera eitthvað smeykar við mig... Ojæja.
    Skrítinn draumur, maður. ;)

Hey! Betri en í síðustu viku!

Mon, 22 Sep 2008 17:06:27 GMT

Jubb, mikið betri. :haha:
    Fórum í haustlitaferð síðasta fimmtudag, á Siglufjörð! :d Hef ekki komið þanngað síðan mamma man ekki hvenær. ;) Mér fannst alveg helvíti gaman, verð bara að segja það, jafnvel þó að þessi göng sem að maður þjösnast í gegnum eru svo ekki fyndin, og vegurinn frá Ólafsfirði að smábyggð þar sem er búð - Vá! Ég hélt í alvöru talað að svona vegir væru ekki lengur eftir á Íslandi! Þetta er eins og rallý-braut, og kunnugir sögðu að það væri búið að bæta veginn... :|
    Hmm, svo ætlaði ég að vera svo helvíti dugleg um helgina, en einhvern veginn tókst mér alltaf að gera eitthvað allt annað en það sem ég ætlaði. Ég náði alla veganna að þrífa eitthvað; helvíti þægilegt að láta hugann reika á meðan maður ryksugar.
    Hey! Ég sá handtöku í dag! Var að koma af Amtinu (Amtsbókasafnið) og fór niður Brekkugötu, og sá blikkandi ljós niðri við Plaza (þar sem var einu sinni Pizza 67). Ég var búin að heyra í einhverjum sírenum nokkru áður á meðan ég var ennþá inní Amtinu, en gerði mitt besta að veita því ekkert of mikla athygli - ég fæ alltaf smá fyrir hjartað þegar að ég heyri í sírenu. En sem sagt, þegar að ég gekk niður Brekkugötu þá sá ég bílana og ljósin og einhvern mannsöfnuð, og ég viðurkenni það alveg að ég stoppaði því að ég sá ekki hvort að þetta væri "bara" löggan eða hvort að það væri sjúkrabíll líka. Og þá sá ég einhvern gaur stökkva yfir girðinguna og lögregluþjónn á eftir - gaurinn hljóp að einhverjum jeppa, löggan á eftir - jakkinn sem að gaurinn var í týndist einhvers staðar á bak við jeppann. :d Og svo kom að einn af stóru lögreglubílunum og ég hélt áfram í Pennann.
    Ég get ekki sagt að ég hafi vorkennt gaurnum þegar að ég heyrði æmtið í honum. Að mínu mati getur hann sjálfum sér um kennt - saklaus maður hleypur ekki í burtu. Þú hleypur ekki frá hundi, þau hleypur ekki frá lögregluþjóni - þeir elta báðir. Það besta sem þú gerir er að halda ró þinni, bíða og tala rólega.
    Svo fór ég í Pennann og náði mér í ókeypis kakó. Ég elska þessi bollakort! :haha:

I'm alive

Tue, 16 Sep 2008 09:05:20 GMT

Jæja. Lifandi enn.
Í gær var einn af þessum dögum þegar það er ómögulegt að brosa, gleðjast eða gera nokkuð nema draga sig áfram. Mér tókst meira að segja að sannfæra sjálfa mig um það í svona tíu mínútur að það væri þriðjudagur og að ég hefði misst af heilum degi. Svo tókst mér að sannfæra sjálfa mig að það væri mánudagur og að ég væri ekki að falla á tíma með að skila áætluninni til Affí. Vonandi skárri dagur í dag, en ég er samt ekkert of létt.
    Samt, góðar fréttir, Bjartur er ekki hættur í skólanum. :)
    Mér langar í kött. Nefni hann Dreka, ef það væri högni, ef læða þá Medúsa. :lol:
    Ég hata svona deyfð. Ég nenni ekki að standa í þessu, en það sem fer upp kemur niður, og svo upp aftur. Reyni bara að hressa mig við einhvernveginn. Hef nóg af bókum að lesa, og svo er það ritgerðin. Það er engin ástæða að vera svona dauf, nema það séu viðbrögð við kætinni í síðustu viku? Ef maður vissi nú almennilega hvernig þessir hormónar virka.
    Jæja, slútta þessu bara. Ég ætla að fá mér te, þurrka á mér hárið, hressa mig við, og fara svo niður í skóla með restina af dótinu sem Ragnheiður og Ronald komu með. Minntist ég á það að Ronald borgaði Snoopy náttfötin fyrir mig þegar kortið mitt tæmdist? Hann er perla. :d Þannig að núna eigum við Ragnheiður eins Snoopy náttföt.
    Minnir mig á það; var ég búin að minnast á það að við Ragnheiður drógum Ronald inn í nærfatabúð? :haha:

Hello Lovelies

Thu, 11 Sep 2008 21:29:05 GMT

Skrítni skrítni dagur. En góður samt. Hellirigning mestallan daginn og þau sem þekkja mig vita að mér líður best í rigningu. :haha: Ragnheiður og Ronald komu í dag, með dótið mitt, og við fórum í pínu búðarráp - sem þýddi að ég sat í ólöglegu aftursæti þar sem var ekkert sæti. :haha: Annað skiptið sem ég sest upp í bíl hérna fyrir norðan það sem af er annar og er ólögleg fyrir sætisleysi. ;)
Mikið helvíti var þetta samt gaman. Og mikið helvíti var ég fegin að löggan var hvergi sjáanleg. :haha:
Svo komu eiginlega frekar dapurlegar fréttir; Bjartur er víst búinn að gefast upp. Hann sem að virtist vera í góðum fílingi á mánudeginum, bæði á setningunni og svo í hádeginu þegar að við fórum nokkur á Bláu Könnuna. En svo um kvöldið þegar að öryggið fyrir annarri hæð fór og netsambandið líka var hann eins og argasti stereótýpíski táningur. Eins og það hjálpi eitthvað að bölva, þramma um gólf og skella hurðum. Auk þess sem að Ingi og Jói endurtengdu módemið í aðra tengingu þannig að við náðum netinu áður en rafvirkinn kom. Sem by the way hélt að ég væri einn af skiptinemunum og byrjaði að tala við mig á ensku. Hann varð nú ansi kindarlegur þegar að ég svaraði á íslensku, og lofaði að tala ekki við mig aftur á ensku.
Ágætis karl.
En hann Bjartur hefur þá sennilegast farið á mánudagskvöldið, því að hann spurði mig um símanúmerið hjá leigubíl - sem að ég veit auðvitað ekki - en ég hélt nú bara að hann væri að fara að heimsækja vin sinn og nennti ekki að labba. En hann hringdi víst í Elínu í fyrradag eða gær og sagðist ekki geta þetta lengur. Sem er leiðinlegt því að hann hafði áhuga á grafísku námi. Það er alltaf leiðinlegt að sjá fólk gefast upp á einhverju.
Allaveganna, þessir karlar sem að eru eitthvað að vinna í lögnum hjá okkur eru víst að fara að skipta um skólplagnir eða eitthvað, en ég hélt að þetta væri eitthvað með miðstöðina eða vatnsinntakið. Vegna þess að húsið var skít fokking kalt, en þegar að Elín og Deddi, Dabbi? komu þá kom í ljós að það átti ekkert að vera þannig - og að aðal karlinn í leiðslu-dæminu skrúfaði fyrir heita vatnið. Eða eitthvað. Allaveganna, húsið er hlýtt núna, sem ætti að koma Harry betur því hann greyið er víst með einhverja best.
Já og í sambandi við lokaritgerðina - við Affí hugsuðum það sama, svona þegar að ég var hætt að hugsa of mikið. :haha: Hah, lokaritgerð uppá diplómu sem fjallar um manga. Geri aðrir betur - ÉG ER BEST!!! :haha:

Hérna er þá bloggið!!

Thu, 11 Sep 2008 09:10:05 GMT

Sumir virðast hafa beðið í ofvæni eftir að heyra frá manni - my ego is satisfied. :haha: Allaveganna, kom norður á föstudeginum og byrjaði á því að gista í hinni Villunni, í Brekkugötu, af því að það voru gestir í mínu herbergi. Já. Mínu herbergi. Ég á mitt eigið herbergi!! :haha: Svo á mína Villu eftir hádegi á laugardeginum - ég er komin með nýjan skáp! Ekki lengur gamli brúni með rennihurðina sem ískrar í hvert skipti sem maður reynir að ná sér í eitthvað.
Svo byrjaði skólinn á mánudeginum og vá! Þetta er allt annar skóli! Það er komin rennihurð sem maður opnar með rofa eins og þegar maður kveikir ljós! Það þurfti að sýna mér hvernig það virkaði! :haha: Það er ekki lengur forstofa heldur var allt opnað, það er líka búið að taka dyrnar niður í kjallara þannig að núna eru þau ekki lengur innilokuð. Vel á minnst, litla kompan undir stiganum var fjarlægð, kompan niðri í grafík rýminu var líka fjarlægð þannig að núna hafa þau almennilegt pláss, kóksjálfsalinn er kominn niður þar sem fer betur um hann, mótelrýmið er að verða að grafíkverkstæði, draslgeymslan er aftur orðin að gangi og salerni og dyrnar sem voru að mestu óaðgengilegar eru fullkomlega nýtilegar núna.
Og uppi? Hallellúja bara! Kaffistofan var stækkuð á kostnað málunardeildar en það eru ekki lengur allir þessir veggir þar inni, bílskúrinn sem var geymsla/grafíkverkstæði verður núna aðsetur fyrsta árs, þeir fjarlægðu alveg annað klósettið en við fengum ekta eldhús með þvottavél eins og eru á veitingahúsum! Þannig að núna ætti ekki að vera mikið mál fyrir fólk að þrífa til eftir sig! ;) Ný risa hringlótt borð, nýjir stólar sem virðast óþægilegir en leyna á sér - bara aah!
Efsta hæðin er líka æðisleg! Stiginn er, til að byrja með, sá sami nema ný handrið sem líta mjög vel út, skrifstofan verður æðisleg með glervegg og hurð fremst og fundarborð sýnist mér og flott flott. Uppsalir, eins og rýmið er núna kallað, er mikið breytt - bókasafnið er farið, allt opið, tölvurnar í fallegri uppsetningu þar sem bókasafnið var áður, það er komin sturta inn á annað salernið, lofthæðin var minnkuð í fornámsdeildinni, og parket á gólfin bæði þar og í barnadeildinni.
Ég sé samt nokkra galla við þetta. Í fyrsta lagi, þá er slæmt að hafa bara einn vask í málunardeildinni og það í bílskúrnum. Kalla þau hann Skálann? Man ekki. Allaveganna, svo það að hafa parket á gólfunum - koma þau til með lifa lengi? Annars veit ég ekkert um parket. Svo fannst mér dálítið skrítið að koma inn í fornámsstofuna og lofthæðin orðin svona lítil. Sko, nú fannst mér oft kalt og tómlegt í henni áður, en há lofthæðin fannst mér samt þægileg til að hugsa. Meira svona eins og að vera undir himninum. Svo var súð. I liked it.
En, því verður ekki neitað að þetta lítur mikið betur út, og þeir sem sáu um verkið hafa greinilega mjög góðan smekk. Mjög. Þegar að ég man eða finn út hverjir þetta eru, blogga ég það. :haha:
Í öðrum fréttum; ég er eini kvennmaðurinn á annarri hæð, eini leigjandinn af fjórum. Á fyrstu hæðinni eru tveir strákar, einn spænskur eða portúgalskur (nafnið er víst stafað með 'H' en er borið öðruvísi fram) og hinn íslenskur kallaður Jói, á annarri hæð eru ég, Bjartur, Íslendingur að nafni Ingi og Kanadískur gaur kallaður Harry, og á þriðju hæð eru tvær finnskar stelpur (önnur heitir nafni sem byrjar á 'S') og ein pólsk stelpa. Og það verður þýsk stelpa í litla kósý herberginu inn af þvottahúsinu. :haha:
Svo eru einhverjir gaurar að grafa upp garðinn beint fyrir utan gluggann minn - þeir eru þegar búnir að aflífa klifurjurtina. Eitthvað í sambandi við einhver rör.
Og RAGNEHIÐUR KEMUR Í DAG!! Hún og Ronald koma með stóru töskuna og kassann! Ronald er að sækja olíu! Eða var það bensín? Allaveganna - RAGNHEIÐUR ER Á LEIÐINNI!! :haha: Ég nefniæega missti alveg af henni þegar að ég lagði af stað norður, bílstjóranum lá svo á að halda áætlun að ég bara bað hann um að skutla póstinum hennar inn í Olís og svo var bara rokið af stað aftur. Hún rétt missti af mér! :cry:
Hmm, hvað fleira? Jú, ég er búin að vera að bræða í mér heilann við að reyna að finna mér viðfangsefni fyrir lokaritgerðina. Það er svo týpískt að eftir að vera inni og bræða í mér heilann þangað til að ég gafst upp og fór út, villtist inn í apótekið og keypti mér - ó hvað kallar maður það? Snyrtitæki? Allaveganna, augnbrúna greiðu, maskaragreiðu, pinna fyrir neglurnar, og svona hvítan blýant sem maður notar undir hvítuna í nöglunum, þá fékk ég algjöra hugljómun! Ég á að vísu eftir að tala við kennarann, en... I have an idea!!!! :haha:
Hm, þetta er kannski orðið gott í bili. Nei! Bíddu! Það á örugglega eftir að spyrja mig af hverju ég var svona lengi að koma mér að því að blogga - 1. Ég er gleymin, 2. Ég var að sinna öðru, og 3.Ný talva. Ég mundi ekki slóðina á bloggið og endaði á því að gúggla það. I love google. :haha:
Sjáumst þegar að við sjáumst!